【武漢肺炎】有效防菌達99%！日本推可重用式10層超級口罩　可手洗達100次

「口罩」絕對係全城港人近期嘅熱門話題。

依家只要一有藥房/美妝店有貨返就一定會出現萬人空巷嘅排長龍，而網上買賣或有善心人派口罩都會成為熱門網絡事。

早前就有網民發現，喺日本有一款可水洗重用嘅「超級口罩」，就連日本花式滑冰金牌選手羽生結弦都用緊～

據生產商株式会社くればぁ指，依款次世代口罩ボービ（bo-bi），唔止可以過濾空氣中99%包括病毒、PM2.5、花粉，最重要是防止99%透過飛沫傳播的細菌。

Photo from Clever

口罩以10層唔同密度嘅過濾棉，同時過濾病菌、吸水並有保濕、消臭、透氣等功效。

Photo from Clever

而且外層仲可以防止化妝粉底黏附及防止眼鏡起霧等功能。

Photo from Clever

另外，依款口罩過濾棉除咗可以更換之外，仲可以手洗達100次重用添～

Photo from Clever

生產商亦有喺其Youtubey上上傳一段為ボービ bo-bi進行一次PM2.5至PM0.5過濾實驗嘅影片，證明口罩能過濾體積更細嘅致病源。

最特別係佢仲有一個眾多女士都會好想要嘅功能，就係戴上此口罩時呼吸會比冇戴上口罩時多用3倍熱量，有助修身減肥。不過成效係點就個人感覺喇！

之但係，依個口罩一啲都唔平，一個就要15,290円，比一般即棄式口罩貴幾百倍！

如果大家真係有興趣想買，都要等等，因為生產商早前已宣布因應中國武漢肺炎於亞洲爆發期間出貨期長達一個月，現時Clever官網、日本Yahoo！購物、日本樂天購物網、日本Amazon均出現缺貨。

不過作為有備無患嘅長期衛生必須品，ボービ亦值得期待。

Source:Clever

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）